Director Darryl Yap, Pinalagan ang Netizen na Nag-Involve sa Kanyang mga Magulang sa Social Media
Muling naging maiinit ang palitan ng opinyon sa social media matapos pumatol ang kontrobersyal na film director na si Darryl Yap sa isang netizen sa comment section ng kanyang kamakailang post.
Nagsimula ang bardagulan nang mag-iwan ng puna ang isang netizen tungkol sa pamamaraan ng pagsasalita ng direktor. Ayon sa komento ng netizen:
"Ganito rin siguro mag salita mga magulang nito HAHAHAHA"
Hindi naman ito pinalampas ni Yap at agad na pinalagan ang naturang pahayag sa pamamagitan ng isang matalim na sagot. Sinupalpal ng direktor ang netizen at sinabing:
"Di ba, panget yung minana mong mukha sa magulang mo kaya mo pinaretoke buong mukha mo? Ganon din ako— may mga binigay ang magulang ko sakin na values gaya ng 'magtiis', 'gumalang kahit binabastos ka' at 'wag pumatol sa tanga' PERO BINAGO KO YUN. Gets?"
Dahil dito, mabilis na inulan ng libo-libong reaksyon at iba't ibang opinyon mula sa mga netizens ang naturang comment thread. Marami ang humanga sa mabilis na pagdepensa ng direktor sa kanyang sarili, habang ang iba naman ay pumatol din at nagbigay ng pambabatikos sa kanyang naging pananalita.
Hindi na bago sa publiko ang ganitong uri ng pakikipag-interact ng direktor. Bukod sa kanyang mga sikat at kontrobersyal na pelikula, kilala si Darryl Yap sa pagiging tahasang tagasuporta ni Vice President Sara Duterte at isa rin sa mga kilalang kritiko ng kasalukuyang administrasyon ni Pangulong Ferdinand "Bongbong" Marcos Jr. Sa ngayon, patuloy pa ring pinag-uusapan sa iba't ibang platform ang naturang palitan ng salita.
Credits: Darryl Yap / Facebook