Gikapoy ba o na-pressure? Reaksyon sa pahayag ni Sen. Zubiri sa tunga sa Impeachment Trial
Gireklamo ni Senador-Judge Migz Zubiri nga gikapoy na kuno siya sa 12-oras nga trabaho matag adlaw sa Senado—gikan sa alas-9 sa buntag hangtod sa alas-9 sa gabii—taliwala sa impeachment proceedings sa buntag ug pagkahuman sa plenary session para sa legislation.
Apan gihisaway kini sa ubang mga netizen. May nagkomento pa sa livestream sa opisyal nga Facebook page sa Senado nga kung gikapoy na siya, unsa na lang kaha ang ordinaryong mga empleyado nga kinahanglan pang mugawas ug mutrabaho bisan pa sa kalisod sa pagbiyahe gumikan sa baha. Ang uban pud niaghat kang Zubiri nga muresign na lang pagka-senador kung tinuod-anay na gyud nga gikapoy siya sa iyang katungdanan.
Sa karon, nagpadayon pa ang impeachment trial batok kang Vice President Sara Duterte sa ika-21 ka adlaw niini. Gani, gihisgutan sa ubang mga kongresman nga kinahanglan dili na kini maabtan og Disyembre o bisan sa Chinese New Year, ug planong dili na kini dugayon pa aron mahuman dayon.
📸: credit of the Senate of the Philippines / Official Livestream