CEBU CITY — Nagsuporta ang Maxim Rides & Food Delivery sa medical ug legal assistance program sa Cebu City government pinaagi sa paghatag og refreshments, entertainment, giveaways, ug transportation discounts sa mga residente nga moapil sa mga aktibidad.
Gi-organize kini sa mga opisyal sa Cebu City, lakip si Mayor Nestor Archival, Vice Mayor Tomas Osmeña, ug mga City Councilor nga si Alvin Arcilla, Sisinio Andales, ug Nyza Archival, sa kooperasyon sa LBBF Law Firm. Tumong sa programa nga mas dali maabot sa mga residente ang importante nga serbisyo sa kahimsog ug legal nga tabang, sama sa PhilHealth YAKAP registration, medical consultation, ug libre nga legal consultation.
Gihimo na ang mga aktibidad sa Pulangbato Gym kaniadtong Setyembre 26 ug sa Agsungot Gym kaniadtong Oktubre 10. Ang sunod nga mga sesyon mao ang mosunod:
Oktubre 24 – Sitio Langub
Nobyembre 7 – Cebu City Resource Management and Development Center (CREMDEC)
Nobyembre 21 – Paril Gym
Disyembre 5 – Busay Proper Gym
Atol sa mga aktibidad, nag-apod ang Maxim Cebu og refreshments, biscuits, ug branded giveaways sama sa tote bags, hats, notebooks, pens, ug keychains. Ang mga residente nga makakompleto sa PhilHealth YAKAP registration o legal consultation makaapil usab sa mga dula sama sa roulette ug spin-the-wheel, ug may higayon sila nga makadaog og premyo.
Gidapit usab sa Maxim Cebu ang mga interesadong mahimong driver-partner, ug ang mga eligible nga aplikante makadawat og 0% commission incentive.
Matod ni Christopher Poliran, Head sa Maxim Cebu, gihatagan og bili sa kompanya ang higayon nga makigtambayayong sa lokal nga gobyerno ug partner organizations sa mga inisyatibo nga motubag sa panginahanglan sa komunidad. "We look forward to participating in more initiatives that create meaningful benefits for the people we serve," ingon niya.
Gilunsad ang Maxim sa Pilipinas niadtong 2020, ug ang Cebu mao ang unang siyudad nga gipahigayunan niini. Karon, available na ang serbisyo niini sa 22 pa ka siyudad sa nasod.
Source: Maxim Cebu
Photos courtesy of Maxim Cebu