Si Pangulong Marcos, mitambong sa 18th BRICS Summit sa New Delhi isip ASEAN Chair
Si Pangulong Ferdinand R. Marcos Jr. miduyog sa uban nga mga lider gikan sa nagkalain-laing nasod sa Bharat Mandapam sa New Delhi, India alang sa 18th BRICS Summit. Kauban siya sa Family Photo sa mga lider ug nakiapil usab sa Open Session sa summit.
Isip kasamtangang ASEAN Chair, girepresenta ni Pangulong Marcos ang 11 ka miyembrong nasod sa ASEAN atol sa summit. Gipasiugda niya ang tema sa ASEAN Chairship sa Pilipinas nga "Navigating Our Future, Together," lakip ang tulo ka core priorities niini: Peace and Security Anchors, Prosperity Corridors, ug People Empowerment.
Gipaklaro usab sa Pangulo ang pasalig sa ASEAN sa peace ug stability nga naka-base sa ASEAN centrality, dialogue, ug international law — samtang gipadayon usab niini ang sustainable ug inclusive growth, innovation, ug people-centered development sa rehiyon.
Sa laing higayon, nakigkita usab si Pangulong Marcos sa Indian Prime Minister Narendra Modi sa gilid sa BRICS Summit aron hisgutan ang posibleng kooperasyon sa bahin sa space cooperation ug railway development. Gihisgutan usab sa duha ka lider ang technology-driven improvements sa agriculture ug disaster resilience, universal payment interface, pharmaceuticals, ug Indian traditional medicine.
Dugang pa niini, gihisgutan usab sa duha ka lider ang umaabot nga pagbisita ni PM Modi sa Pilipinas sa 49th ASEAN Summit and Related Summits sa Nobyembre, diin mahimong host ang Pilipinas isip ASEAN Chair.
Source: National PIO/PCO