Nagsugod na ang Early Voting para sa PWDs, Senior Citizens, ug Pregnant Voters sa 2026 BARMM Parliamentary Elections
Opisyal na nga nagsugod ang early voting hours alang sa Setyembre 14, 2026 BARMM Parliamentary Elections, partikular na para sa mga botanteng Persons with Disability (PWDs), Senior Citizens (SCs), ug Pregnant Voters. Sumala sa anunsyo gikan sa COMELEC, ang early voting kay gikan 5:00 A.M. hangtod 7:00 A.M., una pa sa pag-abli sa regular nga botohan gikan 7:00 A.M. hangtod 7:00 P.M.
Ang early voting kay eksklusibo lang para sa gihisgutang sektor, apan kon dili nila maabot kining orasa, pwede gihapon sila mubotos sa regular voting hours gamit ang Express Lane, Accessible Polling Place (APP), o Priority Polling Place (PPP) — mga special lane nga gihimo para mas dali ang proseso sa pagboto para nila.
Duha ka polling site ang gihisgutan sa anunsyo isip lugar sa early voting: ang San Vicente Academy sa Gov. Gutierrez Ave., Rosary Heights, ug ang Sero Central Elementary School sa Sinsuat Ave., Rosary Heights — pareho sa Cotabato City. Kini kay bahin sa padayon nga anunsyo sa COMELEC bahin sa 2026 BARMM Parliamentary Elections (#2026BARMMPE), diin gidasig ang mga rehistradong botante sa Bangsamoro Autonomous Region in Muslim Mindanao nga moapil sa proseso sa eleksyon.
Source: COMELEC — Education and Information Department ug Office of the COMELEC Chairman George Erwin M. Garcia