Bag-ong LLCC Sports Oval sa Lapu-Lapu City, Nag-arangkada Na! Eco-Friendly Upgrades, Girekomendar
Sige’g arangkada ang pagpalambo sa mga pasilidad para sa mga batan-on ug atletang Oponganon human gipahigayon ang usa ka komprehensibo nga ocular site inspection sa Lapu-Lapu City College (LLCC) Sports Oval.
Sumala sa opisyal nga pahayag nga gipagawas sa Lapu-Lapu City Information Office, personal nga gipangulohan ang pagsusi kauban ang LLCC team, Department of Public Works and Highways (DPWH) Region VII, City Engineering Team, opisina ni Congressman Junard “Ahong” Chan, project contractor, ug si Football Coach Jesus Jumao-as.
Tuyo sa maong inspection nga tan-awon ang kasamtangang agi o progress sa construction site, matino ang mga parte nga kinahanglan pa og pag-ayo, ug masiguro nga magpabiling on-track ang proyekto sumala sa gitagal nga eskedyul.
Usa sa mga importanteng girekomendar sa tunga-tunga sa maong diskusyon mao ang pagbutang og Rainwater Harvesting System sa sulod sa oval development. Ang maong pasilidad magsilbing dugang suplay sa tubig para sa maintenance sa pasilidad, samtang ginadukdok ang praktikal ug sustainable nga features nga magamit sa komunidad sa taas nga panahon.
Dako kaayog tabang kining proyektoha inag kahuman kay magsilbi kini nga modernong training ground ug sports hub dili lang para sa mga estudyante sa LLCC kundi para sab sa tibuok dakbayan sa Lapu-Lapu.
Source / Photo Credit: Lapu-Lapu City Information Office